Monchhichi-s的博客

端午假期我哋一家三口去左东部华侨城玩。虽然叫做玩左个两日一夜，但茶溪谷我哋原来只游左三分之一，大侠谷都只係粗略地行左下。大部份时间都花系排队、觅食、坐车（自驾来回、三次森林小火车、六趟缆车、一趟中巴）。果度俾我嘅印象，第一：好多蚊（可恶嘅蚊咬左我廿几啖，好彩无咩咬到阿B），第二：好大（茶溪谷景色好靓，下次再去一定要行埋剩余嘅三分之二。大侠谷比较适合后生仔女玩，有D类似欢乐谷）第三：无野好食（酒店嘅野贵夹唔好食），第四：酒店好靓但到左晚上就无咩消遣（泳池竟然未开放）。哈哈，尽管如此，我谂有机会我哋应该都会再去，事关阿B好钟意坐果度嘅森林小火车同埋好钟意果间酒店。

上个星期日，我同阿B系友谊城度见倒几架MINI。阿B话佢钟意粉蓝色果架喔！

阿B：“咪咪，等我大个果时,你就买一架MINI俾我哈！”

我：“好，如果咪咪有钱嘅话就买架俾你。”

阿B：“咁要我哋两个坐前面噶喔！我揸车，你坐我隔离好唔好啊？”（平时都系老公揸车，我同阿B坐后座）

我：“好啊！咁你带妈妈去边啊？”

阿B：“我带你去大梅沙玩。”

果一刻，听见阿B咁讲，我个心觉得好甜，即使到时佢可能係载住佢女朋友去玩而唔係我。。。

认识CHUGGINGTON，係有一次睇Matthew仔嘅日志见倒嘅。Matthew仔妈咪对哩部卡通片有着较高的评价，而我就将哩个新名字记左入脑。

DiDi放寒假时，有日我哋经过个街边一个临时书摊，卖嘅全部都係外文书。见倒有D儿童读物，我就走埋去寻宝，忽然俾我发现左一本《CHUGGINGTON》，脑里面即时调出左对它的记忆，于是就将佢纳埋走。。。虽然得果五、六页纸，DiDi却出奇地对它爱不惜手，有几日去到边都要带埋本书，要我讲俾佢听。。。见DiDi咁钟意本书，之后我就带左佢去老翻度揾碟。我惊个Sales唔知咩係CHUGGINGTON，就问佢有无除左THOMAS之外嘅火车卡通卖。个Sales一听就问我係咪火车宝宝啊？（人哋仲识过我）拿左出来睇原来真係CHUGGINGTON，不过係纯英文噶。好彩係卡通片，就算DiDi听唔明都可以睇得明大部分，仲可以学下纯正嘅英文。